poshak khichdee.: February 2015

आपणा सर्वांना होळीच्या शुभेच्छा …!

ऐसी कळवळयाची जाती ,करी लाभाविण प्रिती ||

* ऐसी कळवळयाची जाती ,करी लाभाविण प्रिती ....थोर विभूती आणि कार्य . (समाजकार्य या शब्दाला हल्ली एक वेगळा वास येतो असा भास होतो म्हणून -) समाजकारण करणाऱ्या थोर कार्य अथवा कार्यकर्त्या बद्दल बोलताना,बरेच लोक विशेषत:तरुण म्हणतात कि, "आमच्या पिढीचे हे दुर्दैव कि अशी लोकं आम्हाला बघायला नाही मिळाली" यावर मी असे म्हणू इच्छिते की....मुलांनो,वाचा . ...खूप वाचा.माणसे भेटणे ,बघणे म्हणजे काय,नाकीडोळी ते कसे आहेत एवढेच कळेल. मृत्यूनंतरही समाजहितैषी लोकांचे असे थोरपण ,त्यांचे कार्य तर अजरामर असते. ते केव्हाही जाणून घेता येते. आणि आजही समाजासाठी आयुष्य वेचणारे सहस्त्रावधि निस्वार्थी लोक आहेत. पण, स्वार्थ , सत्ता नि संपत्तीच्या झगमगाटात,त्यांचे हे कार्य अंधाऱ्या कोपऱ्यातच राहते.उत्तम कार्य ," ऐसी कळवळयाची जाती,करी लाभाविण प्रीती " ... संत तुकोबांच्या या वचनानुसार प्रसिद्धीपराड.मुख सज्जन हे काम शांतपणे कसलीही अपेक्षा न ठेवता, गवगवा न करता निरलसपणे करत असतात. विशिष्ट लोकांची,लोकप्रिय व्यक्तींची तळी उचलते दुनिया. खऱ्या काम करणरालाही कधी दूर फेकते मिडिया. पण , अशी निस्वार्थी हजारो माणसे आहेत नि त्यांची शेकडो कामे इथे चालतात. यात तरुण मुले-मुलीही आहेत.मी तरुणांना सरसकट वाया गेले असे म्हणत नाही. याच चाकांवर समाज-रथ चालतो आहे. लिहायला अनेक मर्यादा आहेत. पण,मुलांनो तुमची इच्छा असेल तर, - आता बघा ...तुमच्या दृष्टीस अशा बातम्या पडतील.आणि तुम्हीही अशा कामाला सक्रीय पाठींबा देत ,त्यात सामील व्हाल ही आशा. आशाच नव्हे, विश्वास आहे मला.तुम्हाला खरेच असे काम सुरु असलेले संस्था,संघटना ,आस्थापना,असाच समूह,एकल संस्था ,व्यक्ती माहित आहेत का? शोधा ,माहिती मिळावा आणि मित्रांनो एकमेकात बोला.इथेही व्यक्त व्हा. पण हे काम खरेच निस्वार्थ हवे हं.

poshak khichdee.

Wednesday, 25 February 2015

होलिकोत्सवाच्या निमित्ताने ..... - "रंगुनी रंगात साऱ्या रंग माझा वेगळा "

About Me

Blog Archive